Covid 19 hrileng laka kan himna turin Sawrkar chuan AMC Area ah ni 22.8.2021 aṭanga ni 4.9.2021 zanlai dar 12:00 thleng Partial Lockdown a puang a,Sawrkar in inkaihhruaina a siam zul zuiin ITI Veng LLTF chuan vengchhung kaldan tur ruahmanna hetiang hian a siam a,veng mipuiten zawm ṭheuh turin kan in ngen a ni.

1.Vengchhung leh vengpawnah hnathawh phal a ni a,vengpawn aṭanga hna rawn thawk turte erawh chuan an khua/veng VLTF/LLTF hriatpuina lehkha an nei tur a ni a,ITI Veng LLTF hnenah an in report hmasa tur a ni

2. Vengchhunga dawr zawng zawng te nitin chhun dar 12:00 thleng an in hawn phal a ni a,damdawi dawr erawh chu nitin tlai dar 5:30 thleng an in hawng thei thung ang.Sa,thlai leh thei bazar te erawh chu thawhlehni leh zirtawpni tlai dar 5:30 thleng an in hawng thei ang.

3.Sport Practice (indoor&outdoor) ah phal a ni a,Indoor ah mi 10 aia tam lo leh outdoor ah mi 25 aia tam lo phal a ni a,Gym pawh hawn phal a ni a,SOP/CAB ṭha taka zawm tur a ni.

4.Zan dar 7:00 aṭanga zing dar 4:00 inkar leh Pathianni hi curfew a ni a,hemi hun chhung hian phalna neilo lirthei eng chi mah chet chhuah phal a nilo.Zan curfew hun dar 7:00 aṭanga zing dar 4:00 inkarah hian pawnchhuah khap tlat a ni a,damloh,chhiat tawh leh hna ṭulbik thilah te chuan LLTF aṭangin Road Pass emaw m pass traffic hmangin emaw Superintendent of Police,Traffic phalna an la tur a ni.

5.Curfew hun chhunga bungraw load leh unload turte chuan LLTF hriatpuina in DC ah phalna an la tur a ni.

 Partial Lockdown chhung hian lohtheih loh thilah lo chuan pawnchhuah leh inlenpawh khap tlat a ni a,Building khata in hrang hrang luahte pawh intlawhpawh khap tlat a ni.Sawrkar leh LLTF ten ruahmanna an siam te thuawih taka zawm ṭheuh turin kan in ngen e.
       sd/-

LALPIANMAWIA
Info.Secretary
ITI VENG LLTF