Aizawl DC thuchhuah dinglai angin ITI Veng Local Council huam chhungah ran (ui leh ar) mahni compound pel a chhuah khap tlat a ni a, he thupek hi mipuite zawm theuh turin kan in ngen a ni. Ui leh Ar thlahdah tak a vulh kan hria anih chuan ITI Veng Local Council ah rawn thlen thin tur in mipui te kan in ngen a, ran khuah khirh loh man anih chuan Dan angin hremna pek an ni ang.
Kan Ui leh Ar vulh te hi kan hmangaih a, kan lainat em em a. Hetih rual hian, kan enkawl that leh si loh a, kan khuahkhirh that peih si loh hian midangte tan harsatna nasa tak kan thlen ani tih hria ila. Kan ui leh ar te kan enkawl that peih si loh chuan, midangte tana hnawksak an nih avanga mi kutpalh an tawrh changa kan lainat leh a kan in dem pui leh chiam thin te hi a awm na chen a awm, nimahsela Ran a kut thlak hial duh khawpa thinrim na lo siam sak tu nih hi, Ui leh Ar hmangaihtu leh khawngaihtu nih nen a inhmeh lo a ni.
He thuchhuah hi a hlawhtlin theihna tur atan theih tawp min chhuah pui turin chhungtin te kan in ngen ani.
Sd/-
Secretary
ITI Veng Local Council