Covid 19 hrileng laka kan himna turin Sawrkar chuan AMC Area ah ni 5.9.2021 aṭanga ni 18.9.2021 zanlai dar 12:00 thleng Partial Lockdown a puang a,Sawrkar in inkaihhruaina a siam zul zuiin ITI Veng LLTF chuan vengchhung kaldan tur ruahmanna hetiang hian a siam a,veng mipuiten zawm ṭheuh turin kan in ngen a ni e.
1. Vengchhunga puanṭhuina dawr,furniture workshop leh motor workshop te chu Sawrkar in SOP a siam anga dawr an hawn phalsak an ni ang a, dawr dang zawngte chu nitin zing dar 5:00 aṭanga chhun dar 12:00 thleng inhawn phal a ni .Damdawi dawr erawh chu nitin tlai dar 5:30 thleng an inhawng thei thung ang.
2.Sa,thlai leh chawhmeh Bazar erawh thawhlehni leh zirtawpni zing dar 5:00 aṭanga tlai dar 5:30 thleng inhawn tur a ni.Vengchhung thingpui dawr te pawh hemi ni ah hi chuan nilenga inhawn phal a ni ang.Eichawp leh thingpui dawr te pawh a dawrtu te dawr chhungah luh loh tur a ni a,thingpui dawr phei chu deliver system a kalpui tur a ni.
3.Veng pawnlam/khualkhua aṭangin lohtheihloh anih loh chuan mikhual neih loh nise,lohtheihloh a mikhual thleng turte pawhin LLTF memberte hnenah report zel tur a ni.
4.Vengchhungah hrikai kiam lam aia punlam kan pan zel avangin vengchhungah LLTF,Action Squad leh Executive te khauh takin an duty dawn a,dan bawhchhia an awm a man an nih chuan pawisa chawitir nghal zel an ni ang.
5.Zan dar 7:00 aṭanga zing dar 4:00 inkar hi curfew a ni a, Pathianni ah pawh hian phalna neilo lirthei eng chi mah chet chhuah phal a nilo.Zan curfew hun dar 7:00 aṭanga zing dar 4:00 inkarah hian pawnchhuah khap tlat a ni a,Emergency(thihna leh damlohna)ah erawh chuan LLTF aṭangin Road Pass a lak theih thung ang.Mahni lirthei tlanloh ni a chhuak turte chuan m pass traffic hmangin Superintendent of Police Traffic emaw Aizawl DC hnenah emaw phalna an la tur a ni.
Partial Lockdown chhung hian lohtheih loh thilah lo chuan pawnchhuah leh inlenpawh khap tlat a ni a,Building khata in hrang hrang luahte pawh intlawhpawh khap tlat a ni.Sawrkar leh LLTF ten ruahmanna an siam te thuawih taka zawm ṭheuh turin kan in ngen e.
sd/-
LALPIANMAWIA
Info.Secretary
ITI VENG LLTF