Nimin Ramtuk Thla, Ni 11, 2022 Zirtawpni chawhnu dár 2:00 khan Central Executive Committee thutkhawm neih a ni. Meeting hi Central YMA President, Pu R. Lalngheta’n a kaihruai a. Ni 25, Jan. 2022 atanga vawiin thlenga Central YMA hmalakna hrang hrangte, Prof. Lalnuntluanga, Gen. Secy. hnen atangin ngaihthlak a nih bakah, hemi hun chhung veka YMA sum leh pai luhna leh hman ral dan, Pu Roneihthanga, Fin. Secy. hnen atangin ngaihthlak a ni bawk a ni.
Thurel Tlangpuite:
1. Nikum Dec. Ni 16, 2021 a YMA General Conference vawi 73na R. Dengthuama Hall, Aizawla neiha rorel palaite thu tihtluk – YMA khawih leh Sawrkar khawihte bawhzui dan tur hrang hrang rel a ni. YMA khawih bikah bawhzui tur Sub Committee siam ni in, Sawrkar khawih bawhzui tur pawh siam nghal a ni bawk.
2. YMA General Conference vawi 73 na in “YMA Dan Bu ennawn ni rawh se,” tih chu lo zirchianga, hma lo la turin Sub Committee siam a ni a, CYMA OB, CEC member 3 leh Sub Hqrs YMA President te member atan ruat an ni.
3. Kum 2022 chhunga Central YMA hnuaia Sub-Comtt. hrang hrang 20te committee member tur, Khawpui chhung Br. YMA ten an Branch atanga mi 3 theuh an thawh khawm te atangin an awmna Sub Comtt. tur ruat fel a ni a, appointment letter siama sem chhuah thuai a ni ang.
4. Tribal ni lo tunhnaia Tribal Certificate pek chhuah Kamrul Chhangte chu a tribal certificate cancel sak leh thuai anih theih nan chal taka hmalak remtih a ni a,
5. Tribal Certificate dilna a YMA hriatpuina pek thin chu fimkhur taka kalpui chhunzawm zel rem tih a ni.
- SIRD-PR, Mizoram in YMA memberte tana training buatsaih turah Branch YMA Dawr phalna an rawn dil chu remtih a ni.
Prof. Lalnuntluanga,
Gen. Secretary,
Central YMA
12.2.2022