BRANCH YMA THUCHHUAK

Branch YMA Committee chuan COVID-19 vanga Chhiatni inkaihhruaina a siam chu kan hrileng boruak thlirin April 2022 atang chuan hman zui tawhlo nise tiin a rel a ni.

Branch YMA in Chhiatni/Thatni inkaihhruaina kan neihsa chu hman leh tawh nise a ti a, inkaihhruaina kan neih mék chu ennawnin paih ngai leh belh ngai, siamthat ngaite siamtha in April 2022 atanga hman tan turin a rel a, a langsar zual mipui te hnena hriattir hmasak tur hetiang hian tarlang ila (A kimchamg chu YMA News lamah tarlan ani ang) –

1. Khawntesep : Vengchhung ah chhiattawk an awmin ₹ 20 chhungkaw tinah khawn thin tur ani ang.
2. Thlanlaih : Thlan hi laihlawk tur ani ang a, Thlanmual Committee in ruahmanna a siam thin ang.
3. Ralna bawm: Vengchhungah chhiattawk an awmin YMA zan, Lumen zan leh a ruang niah te Ralna bawm hun thin tur ani.
4. YMA zan: Vengchhungah chhiattawk an awmin zan 2 (hnih) hun hman thin tur ani ang a, hei hian lumen zan a huam ang.
5. Mitthi vui hun: Zing dar 9 hma lama boral chu a boral niah vui nghal tur ani a.
   Lumen ngai lova boral te chu chawhnu dar 1:00 ah vui tur ani ang a, lumen anih chuan chhun dar 12:00 ah vui tur ani ang.
6. Thlalak leh Pangpar: Mitthi thlahna Kuang bulah vawi(Hmeh) 25 aia tam thla lak loh tur ani a, Kuang thlakakpui atan Pangpar 5 bak hman loh tur ani ang.

Tin, Khawhar inah CAB tha taka zawm chungin Zai leh tawh nise tia rel ani.

Sd/-
LALREMLIANA
Secretary
Branch YMA