Dated 18th December, 2021 (Inrinni) : Branch YMA hnuaia Light & Sound Committee hmalakna in Street Charity Concert hlawhtling taka neih a ni a, vengchhunga zai mi leh rimawi tum thiamten hun an hmang.

He Charity Concert nihphung leh buatsaih a nih chhante Pu H. Lalremliana, Chairman, Light & Sound Committe chuan sawifiahin, Street charity Concert-ah hian vengchhunga mi harsate tanpuina atan bawm dawh a ni a, Rs 33150 zet hmuh a ni a, tanpuina thawhlawm tlingkhawmte hi vengchhunga mi tanpui ngai chhungkaw 10 hnenah pek a ni.

He concert hi Pu P.Zoliana, Branch YMA President chuan lawmthu sawina leh Krismas chibai bukna neiin hun tawp a khar a ni.