Vawiin ( dt. 25/3/’22)  khan Myanmar atanga lokal, ITI Venga mahni a mi inluaha khawsa Tv Zamkhankhaia, Kum 31 chu a hnathawhna hmun, quarry ah chesual palhin, tukin zing khan a boral a. Amah hi chhung leh khat hnai vai nei mailo niin,  Assembly of God Kohhran mi ni a sawi a ni a, Kohhran lamah hian hming a lo pek luh lemloh avangin hun engemaw chen kan nghah hnu a a vuitu tur kan hriat theih tak loh avangin, I. T. I Veng Br. OB meeting chuan Br. YMA in, ‘ Branch YMA-in Vui mai nise’ kan ti ta a ni.

Vuina Programme-ah hian Br. YMA President Pu C. V. L Siama’ vuina inkhawm hi kaihruaiin, Br YMA Sr. Adviser ( Tual Upa) R. Lalduhawma’n a vui thung a ni.

Vuina prog.hi YMA Hall ah neih niin,beisei phak bak mitthi lainattu mipui te hall khat tlatin kan kal khawm a, Pangpar leh Puan pawh kan mitthi hian a dawng hnem hle a ni.

Br. YMA in vuina hun kan hman ngai khawp a mi riangvai ni a kan hriat te chunga vengchhung mipui rawn chet chhuah dan kan hmuh hian, Zonun zemawi hi ala parvul zela, YMA hi mi chanhai te tan belhtlak leh an inpui ber ala ni zel a ni tih hi alang hliah hliah a ni tih hi kan hmu chiang hle mai.
YMA vul zel rawh se…