I. T. I Veng Branch YMA in kan mamawh leh neih kan chak em em, morque van chu Project Committee te hmalakna zarah kan nei thei ta.

Morque van kan neih theihna atan hian kawng hrang hranga hmalak a ni a, Bialtu MLA Pu Lalchhuanthanga’n kan mamawh zia hria in, a MLA fund atangin min ngaihtuah sak a, a chungah Branch YMA chu kan lawm tak zet a ni.

Morque van lo dawnsawnna programe hi Dt 02.4.2022 (Inrinni) chawhnu dar 2 khan GSA Volley Ball court-ah neih a ni a. Branch YMA Vice President Pu PC Zodinmawia’n he hun hi kaihhruaiin, Pu Darchhawna, Sr. Adviser in hunserh a hman hnuah Morque van thar laemna hi hman chhunzawm a ni a. He motor min ngaihtuah sak tu Bialtu MLA Pu Lalchhuanthanga’n thusawina a neih hnuin, Chahbi inhlanna neih a ni a, Branch YMA President Pu CVL Siama’n thu tha tak tak a sawi leh hnuin, zaithiam ten zai mawi takin min awi a. Pu Lalremliana, Branch YMA Secretary in lawmthu sawina hi a hman hnuin, hunserh tihtawp a ni.