Dated 04.06.2022, I. T. I Veng : Kan branch YMA Ruby Jubilee lawmna intihsiak hmasa ber atan Volley ball intihsiakna neih tan a ni ta.

He hun hi Branch YMA President Pu CVL Siama chuan hawnna hun hmangin, intihsiakna hi tan a ni. Section tin atanga member kal inchhiarna neih a ni a. Chawngbawla Section member-te a kal tam ber niin, inelna neih chhunzawm nghal a ni.

Inkhel hmasa berah Mipa Volley ball, Taitesena Section leh Chawngbawla Section mipa ten an khel a, Taitesena Section hi an leader Pu Lawma Parte in rawn hovin, players mal khaia tha bik tia han sawi bik tur awm lovin an rawn inlar a, Chawngbawla Section lamah volleyball a tawn hriat lo nei fo tawh players tha tak tak, Tatuna, TK Sailo ten rawn hovin inkhelh tan a ni. Set hmasa berah hian an inkhel tawk hle a, point inlehthal zak zakin, Chawngbawla Section ten set khatna an la hram hram a, set hnihna la chhunzawmin chak zawk an ni ta a ni.

Khelh hnihna ah hmeichhe lamin khel ve thung in, Vanapa Section leh Chawngbawla Section hmeichhia ten an khel ve leh a, Vanapa section nulaten inkhel thununin, hnehna an chang a. Khelh thumna a chhunzawm nghal a ni a, Vanapa Section leh Chawngbawla Section mipa ten khel veleh in, Chawngbawla Section mipate hian an nulate ngam loh Vanapa Section lakah hnehna chang ve lehin Final an inhlangkai ta a ni.