Taitesena Section Property House hawnna neih a ni
‘ YMA hi chanhai leh Riangvaite tana hnathawk thin an ni a, he hun kan thleng thei hi a lawmawm takzet’
- Lalthanliana, Chairman Local Council
November 8, khan ITI Veng Branch YMA huam chhunga Taitesena Section YMA chuan Property House hawnna hun neiin, he Property House hawnna hi Pu Lalthanliana, Chairman Local Council ITI Veng chu a nei.
Khuallian, Pu Lalthanliana chuan,’ Taitesena Section YMA in hetiang hun an thleng thei chu Local Council aiawhin lawmthu a sawi a. YMA chu chanhai ngaite leh riangvaite tana pawl pawihmawhna a nih thu leh chungte tana hnathawk thin a nih thu sawiin, hun lo kal zel turah hei aia changtlung zawk pawh neih chhoh theih hun a beisei thu kalkhawm mipuite hmaah a tarlang.
He inkhawm pawimawiah hian Br YMA President Pu CLV Siama chuan,’ Taitesena Section YMA ten mellung thar pawimawh tak an phun chu Branch YMA in a lawmpui thu sawiin, Br YMA ang pawha Local Council chungah an lawm zia a sawi lang.
He hun hi Pu Lallawmzuala Parte, Leader T Section chuan kaiihruaiin, Tv RB Lalnunrema, Property House Secretary chuan reports pekna hun a nei.
Taitesena Section te hian Local Council atangin Rs 2000 lawmpuina thilpek an dawng a, Vanapa Section YMA atangin Dekchi dawngin, Dr.Lalmalsawma(Nghaka) hnen atangin Plastic Chair 10 leh Branch YMA atangin Rs 5000 dawngin, lawmthu sawina hi Pu Lalhmunsanga, Asst Leader in a nei a ni.
Mipui kalkhawmte hi Nl Mabiaki Pachuau chuan zaiin a awi a ni